నిర్వాణషట్కమ్ | Nirvana Shatkam in Telugu
శివాయ నమః ||
నిర్వాణ షట్కమ్
మనోబుద్ధ్యహఙ్కారచిత్తాని నాహం న చ శ్రోత్రజిహ్వే న చ ఘ్రణనేత్రే |
న చ వ్యోమ భూమిర్న తేజో న వాయుశ్చిదానన్దరూపః శివోఽహం శివోఽహమ్ ||౧||
న చ ప్రాణసంజ్ఞో న వై పఞ్చవాయుర్న వా సప్తధాతుర్న వా పఞ్చకోశాః |
న వాక్పాణిపాదం న చోపస్థపాయూ చిదానన్దరూపః శివోఽహం శివోఽహమ్ ||౨||
న మే ద్వేషరాగౌ న మే లోభమోహౌ మదో నైవ మే నైవ మాత్సర్యభావః |
న ధర్మో న చార్థో న కామో న మోక్షశ్చిదానన్దరూపః శివోఽహం శివోఽహమ్ ||౩||
న పుణ్యం న పాపం న సౌఖ్యం న దుఃఖం న మన్త్రో న తీర్థం న వేదా న యజ్ఞాః |
అహం భోజనం నైవ భోజ్యం న భోక్తా చిదానన్దరూపః శివోఽహం శివోఽహమ్ ||౪||
న మృత్యుర్న శఙ్కా న మే జాతిభేదః పితా నైవ మే నైవ మాతా న జన్మ |
న బన్ధుర్న మిత్రం గురుర్నైవ శిష్యశ్చిదానన్దరూపః శివోఽహం శివోఽహమ్ ||౫||
అహం నిర్వికల్పో నిరాకారరూపో విభుత్వాఞ్చ సర్వత్ర సర్వేద్రియాణామ్ |
న చాసఙ్గతం నైవ ముక్తిర్న మేయశ్చిదానన్దరూపః శివోఽహం శివోఽహమ్ ||౬||
ఇతి శ్రీమచ్ఛఙ్కరాచార్యవిరచితం నిర్వాణషట్కం సంపూర్ణమ్ ||
एक टिप्पणी भेजें