Vishnu Shatpadi | विष्णु षट्पदि
Vishnu Shatpadi lyrics in Hindi
अविनयमपनय विष्णो दमय मनः शमय विषयमृगतृष्णाम् ।
भूतदयां विस्तारय तारय संसारसागरतः ॥ 1 ॥
दिव्यधुनीमकरंदे परिमलपरिभोगसच्चिदानंदे ।
श्रीपतिपदारविंदे भवभयखेदच्छिदे वंदे ॥ 2 ॥
सत्यपि भेदापगमे नाथ तवाऽहं न मामकीनस्त्वम् ।
सामुद्रो हि तरंगः क्वचन समुद्रो न तारंगः ॥ 3 ॥
उद्धृतनग नगभिदनुज दनुजकुलामित्र मित्रशशिदृष्टे ।
दृष्टे भवति प्रभवति न भवति किं भवतिरस्कारः ॥ 4 ॥
मत्स्यादिभिरवतारैरवतारवताऽवता सदा वसुधाम् ।
परमेश्वर परिपाल्यो भवता भवतापभीतोऽहम् ॥ 5 ॥
दामोदर गुणमंदिर सुंदरवदनारविंद गोविंद ।
भवजलधिमथनमंदर परमं दरमपनय त्वं मे ॥ 6 ॥
नारायण करुणामय शरणं करवाणि तावकौ चरणौ ।
इति षट्पदी मदीये वदनसरोजे सदा वसतु ॥
Transliteration of Vishnu Shatpadi in English
avinayamapanaya viṣṇō damaya manaḥ śamaya viṣayamṛgatṛṣṇām ।
bhūtadayāṃ vistāraya tāraya saṃsārasāgarataḥ ॥ 1 ॥
divyadhunīmakarandē parimaḻaparibhōgasachchidānandē ।
śrīpatipadāravindē bhavabhayakhēdachChidē vandē ॥ 2 ॥
satyapi bhēdāpagamē nātha tavā'haṃ na māmakīnastvam ।
sāmudrō hi taraṅgaḥ kvachana samudrō na tāraṅgaḥ ॥ 3 ॥
uddhṛtanaga nagabhidanuja danujakulāmitra mitraśaśidṛṣṭē ।
dṛṣṭē bhavati prabhavati na bhavati kiṃ bhavatiraskāraḥ ॥ 4 ॥
matsyādibhiravatārairavatāravatā'vatā sadā vasudhām ।
paramēśvara paripālyō bhavatā bhavatāpabhītō'ham ॥ 5 ॥
dāmōdara guṇamandira sundaravadanāravinda gōvinda ।
bhavajaladhimathanamandara paramaṃ daramapanaya tvaṃ mē ॥ 6 ॥
nārāyaṇa karuṇāmaya śaraṇaṃ karavāṇi tāvakau charaṇau ।
iti ṣaṭpadī madīyē vadanasarōjē sadā vasatu ॥
एक टिप्पणी भेजें