Shree Kalpriyesh Stotram | श्री कालप्रियेश स्तोत्रं
विधीशमुखगीर्वाणयाचनाफलमद्भुतम् ।
दिव्यभासं भजे व्यासं शिशुं शशिमुखंसदा ।।१।।
दर्शनं केवलं यस्य सुखं दिव्य़ं प्रयच्छति ।
अर्वणनीयलावण्यं व्यासं वन्दे रविप्रभम् ।।२।।
तेजसा बालमार्ताणड: लावण्येनचमन्मथ: ।
निर्जितो येन तं वन्दे व्यासं सुस्मितसुन्दरम् ।।३।।
सृष्टिकर्ता विधातास्य पुत्रो पौत्रश्च शंकर: ।
अनादिनिधनंवन्दे तं बालं बालभास्करम् ।।४।।
जातमात्रोऽभिवृद्धश्चवटुदिव्योबभूवह ।
वामन: काश्यपो यव्दत् तपस्विकुलवर्धन: ।।५।।
भक्तानां हृदये स्थित्वा तमोऽज्ञानं विनाशयन्।
बालतिग्नांशुसंकाशं व्यासं वन्देसतांपतिम् ।।६।।
वसिष्ठवंशमार्ताण्डं तपस्विकुलमण्डनम् ।
पराशरात्मजं वन्दे वासवीनन्दनं सदा ।।७।।
अध्ययेन विनैवायं सर्वज्ञो ज्ञानदायक: ।
केनापि नैव विज्ञेयस्तंवन्दे वासवीसुतम् ।।८।।
यन्नाम कीर्तितं पापं हन्ति तूलमिवानिल: ।
तं वन्दे मोहनं व्यासं चिदानन्दप्रदायकम् ।।९।।
व्यासस्येयं स्तुतिर्नित्यं पठिता बालरूपिण: ।
विद्यां बुद्धिंददातीश: निर्मलं ज्ञानमेवच ।।१०।।
।।इति श्रीमद् सुधीन्द्रतीर्थकृतं श्री कालप्रियेश स्तोत्रं संपू्र्णम् ।।
एक टिप्पणी भेजें