Advertisement

श्री सुप्रभात स्तोत्रम | Shree suprabhat stotram

यत्स्वर्गावतरोत्सवे यदभवज्जन्माभिषेकोत्सवे,
यद्दीक्षाग्रहणोत्सवे यदखिल-ज्ञानप्रकाशोत्सवे ।
यन्निर्वाणगमोत्सवे जिनपते: पूजाद्भुतं तद्भवै:,
सङ्गीतस्तुतिमङ्गलै: प्रसरतां मे सुप्रभातोत्सव:॥ १॥

श्रीमन्नतामर-किरीटमणिप्रभाभि-,
रालीढपादयुग- दुर्धरकर्मदूर,
श्रीनाभिनन्दन ! जिनाजित ! शम्भवाख्य,
त्वद्ध्यानतोऽस्तु सततं मम सुप्रभातम् ॥ २॥

छत्रत्रयप्रचलचामर- वीज्यमान,
देवाभिनन्दनमुने! सुमते! जिनेन्द्र!
पद्मप्रभारुणमणि-द्युतिभासुराङ्ग
त्वद्ध्यानतोऽस्तु सततं मम सुप्रभातम् ॥ ३॥

अर्हन्! सुपाश्र्व! कदलीदलवर्णगात्र,
प्रालेयतारगिरिमौक्तिकवर्णगौर !
चन्द्रप्रभ! स्फटिकपाण्डुरपुष्पदन्त!
त्वद्ध्यानतोऽस्तु सततं मम सुप्रभातम् ॥ ४॥

सन्तप्तकाञ्चनरुचे जिन! शीतलाख्य!
ोयान्! विनष्टदुरिताष्टकलङ्कपङ्क
बन्धूकबन्धुररुचे! जिन! वासुपूज्य!
त्वद्ध्यानतोऽस्तु सततं मम सुप्रभातम्॥ ५॥

उद्दण्डदर्पक-रिपो विमलामलाङ्ग!
स्थेमन्ननन्त-जिदनन्तसुखाम्बुराशे
दुष्कर्मकल्मषविवर्जित-धर्मनाथ!
त्वद्ध्यानतोऽस्तु सततं मम सुप्रभातम्॥ ६॥

देवामरी-कुसुमसन्निभ-शान्तिनाथ!
कुन्थो! दयागुणविभूषणभूषिताङ्ग।
देवाधिदेव!भगवन्नरतीर्थनाथ,
त्वद्ध्यानतोऽस्तु सततं मम सुप्रभातम्॥ ७॥

यन्मोहमल्लमदभञ्जन-मल्लिनाथ!
क्षेमङ्करावितथशासन -सुव्रताख्य!
सत्सम्पदा प्रशमितो नमिनामधेय
त्वद्ध्यानतोऽस्तु सततं मम सुप्रभातम् ॥ ८॥

तापिच्छगुच्छरुचिरोज्ज्वल-नेमिनाथ!
घोरोपसर्गविजयिन् जिन! पाश्र्वनाथ!
स्याद्वादसूक्तिमणिदर्पण! वर्धमान!
त्वद्ध्यानतोऽस्तु सततं मम सुप्रभातम्॥ ९॥

प्रालेयनील - हरितारुण-पीतभासम्
यन्मूर्तिमव्ययसुखावसथं मुनीन्द्रा:।
ध्यायन्ति सप्ततिशतं जिनवल्लभानां,
त्वद्ध्यानतोऽस्तु सततं मम सुप्रभातम्॥ १०॥

सुप्रभातं सुनक्षत्रं माङ्गल्यं परिकीर्तितम्।
चतुर्विंशतितीर्थानां सुप्रभातं दिने दिने॥ ११॥

सुप्रभातं सुनक्षत्रं ोय: प्रत्यभिनन्दितम्।
देवता ऋषय: सिद्धा: सुप्रभातं दिने दिने ॥ १२॥

सुप्रभातं तवैकस्य वृषभस्य महात्मन:
येन प्रवर्तितं तीर्थं भव्यसत्त्वसुखावहम्॥ १३॥

सुप्रभातं जिनेन्द्राणां ज्ञानोन्मीलितचक्षुषाम्।
अज्ञानतिमिरान्धानां नित्यमस्तमितो रवि:॥ १४॥

सुप्रभातं जिनेन्द्रस्य वीर: कमललोचन:।
येन कर्माटवी दग्धा शुक्लध्यानोग्रवह्निना॥ १५॥

सुप्रभातं सुनक्षत्रं सुकल्याणं सुमङ्गलम्।
त्रैलोक्यहितकर्र्तृणां जिनानामेव शासनम्॥ १६॥

Image source:
'Jainism' by Chainwit Dhanasarnsombat, image compressed, is licensed under CC BY-SA 4.0

Post a Comment

और नया पुराने

Advertisement

Advertisement