అన్నమయ్య కీర్తన కామధేనువిదే | KAMADHENUVIDE IN TELUGU

కామధేను విదే కల్పవృక్ష మిదే

ప్రామాణ్యము గల ప్రపన్నులకు ॥

హరినామజపమే ఆభరణంబులు

పరమాత్మునినుతి పరిమళము ।

దరణిదరు పాదసేవే భోగము

పరమంబెరిగిన ప్రపన్నులకు ॥

దేవుని ధ్యానము దివ్యాన్నంబులు

శ్రీవిభు భక్తే జీవనము ।

ఆవిష్ణు కైంకర్యమే సంసారము

పావనులగు యీ ప్రపన్నులకు ॥

యేపున శ్రీవేంకటేశుడే సర్వము

దాపై యితని వందనమే విధి ।

కాపుగ శరణాగతులే చుట్టాలు

పై పయి గెలిచిన ప్రపన్నులకు ॥